• આ યોજના હેઠળ શિક્ષણના વ્યવસાયલક્ષી અભ્યાસક્રમો જેવા કે, મેડીકલ, ડેન્ટલ, એન્જીનીયરીંગ, ફાર્મસી , એમસીએ, એમબીએ, બી.એસસી. (નર્સિંગ) વગેરે કરવા માટે લોન આપવાની યોજના.
• વધુમાં વધુ રૂા.૧૫.૦૦ લાખ સુધીનું ધિરાણ કરવામાં આવે છે.

• આવક મર્યાદા રૂા.પ.૦૦ લાખ સુધીની હોવા અંગેના અધિકૃત અધિકારીનો આવકનો દાખલો સામેલ કરવાનો રહેશે.
• સામાજીક અને શૈક્ષણિક રીતે પછાત વર્ગ ના હોવા અંગેના અધિકૃત અધિકારીનો જાતિનો દાખલો સામેલ કરવાનો રહેશે.
• ઉમર વર્ષ ૧૭ થી ૩૫ સુધીની હોવા અંગે શાળા છોડયાનું પ્રમાણપત્ર (સ્કુલ લીવીંગ સર્ટીફીકેટ)
• અરજદારના આધારકાર્ડની નકલ સામેલ કરવાની રહેશે. (બન્ને સાઇડ)
• અરજદારના રેશનકાર્ડની નકલ સામેલ કરવાની રહેશે. (બન્ને સાઇડ)
• અરજદારના પિતાનું આધાર કાર્ડ તથા ચૂંટણી કાર્ડની નકલ સામેલ કરવાની રહેશે. (બન્ને સાઇડ)
• ધોરણ 10, ધોરણ 12 અને સ્નાતકની માર્કશીટની નકલ સામેલ કરવાની રહેશે.
• જે અભ્યાસ માટે લોન લેવાની છે, તે અભ્યાસના સરકારશ્રી દ્વારા નિયત થયેલ એડમીશન કમીટી મારફતે મેળવેલ એડમીશન લેટરની નકલ સામેલ કરવાની રહેશે.
• અભ્યાસ માટે જરૂરી હોય તેવી ક્વોલીફાઇડ પરીક્ષામાં પાસ કરેલ હોય તે અભ્યાસક્રમની નકલ સામેલ કરવાની રહેશે. (ઓછામાં ઓછા ૫૦ % સાથે ક્વોલીફાઇડ થયેલ હોવા જોઇએ.)
• સમગ્ર અભ્યાસ દરમ્યાન થનાર ખર્ચ (એડમીશન ફી, ટયુશન ફી, હોસ્ટેલ ફી) વગેરે કોલેજ / સંસ્થાના લેટરપેડ પર રજુ કરવાની રહેશે.
• જે કોલેજ / સંસ્થામાં એડમીશન મેળવેલ છે તે સંસ્થાને અભ્યાસક્રમ ચલવવા માટે મળેલ માન્યતાના પ્રમાણપત્રની નકલ સામેલ કરવાની રહેશે.
• ફીની રસીદ (ભરેલ ફીની પાવતીઓ)
• અરજદારના બેન્ક પાસબુક / કેન્સલ ચેકની નકલ.

લોનની સૈધ્ધાંતિક મંજુર મળ્યા બાદ અરજદારે નીચે મુજબના લોન દસ્તાવેજ રજુ કરવાના થાય છે :-

• અરજદારે આપવાનું જાત જામીનખત (પરિશિષ્ટ-૧) મુજબ રૂા.૫૦/- સ્ટેમ્પ પેપર ઉપર નોટરી કરાવવું. અરજદારના આધાર કાર્ડ, રેશનકાર્ડ અને મિલ્કતના પુરાવા રજુ કરવાના રહેશે.
• માંગણીહૂંડી પત્રક રૂા.૧/- ની રેવન્યુ ટીકીટ લગાવી, ટીકીટ ઉપર સહી કરવી.
• બાંહેધરીપત્ર / ખાતરીપત્રકમાં રૂા.૩૦૦/- અધેશિવ સ્ટેમ્પ પર નોટરી કરાવવી.
• હઇપોથીકેશન / લોન એગ્રીમેન્ટ / સાનગીરો કરાર ઉપર રૂા.૩૦૦/- અધેશિવ સ્ટેમ્પ પર નોટરી કરાવવી અને દરેક પાનના પર અરજદાર અને બન્ને જામીનદારોની સહી કરાવવી.
• પરિશિષ્ટ-ર મુજબ જામીનદાર-૧ અને જામીનદાર-રનું જામીનખત રૂા.૫૦/- સ્ટેમ્પ પેપર ઉપર નોટરી કરાવવું. તેમજ બન્ને જામીનદારના આધાર કાર્ડ, રેશનકાર્ડ અને મિલ્કતના પુરાવા રજુ કરવાના રહેશે. (જામીનદારની ઉંમર ૬૦-વર્ષથી વધુ ન હોવી જોઇએ)
• પરિશિષ્ટ-૩ મુજબ અરજદાર સંયુકત મિલ્કત / જામીનદાર / અન્ય મિલ્કતધારકની મિલકત ઉપર નિગમના નામે બોજા નોંધ કરાવવા અંગેની સંમતી રૂા.૫૦/- સ્ટેમ્પ પેપર ઉપર નોટરી કરાવી રજુ કરવી.
• જે અરજદારે લોન લીધી છે તેના નામના નિયત જગ્યાએ સહી કરેલા ૧૦ (દસ) CTS ચેક તેમજ બેન્ક પાસબુકની ઝેરોક્ષ રજુ કરવાની રહેશે.
• પરિશિષ્ટ-૪ મુજબ અરજદારે મકાન, જમીન કે અન્ય સ્થાવર મિલકત ઉપર સક્ષમ સત્તાઅધિકારીની સહી / સિકકાવાળી વાળી નિગમના નામની બોજા નોંધ રજુ કરવાની રહેશે તેમજ જેના ઉપર બોજાનોંધ રજુ કરેલ છે તેના આધાર-પુરાવા રજુ કરવાના રહેશે.

• ગ્રામ્ય વિસ્તારમાં ગામતળમાં મકાન / પ્લોટ હોય તો, સ્વામિત્વ કાર્ડમાં એંટ્રી કરાવેલ હોય તો મકાન / પ્લોટમાં દસ્તાવેજના આધારે બોજો પાડી અત્રે રજૂ કરી શકાય.
• ગામ તળમાં સ્વામિત્વ કાર્ડ/કાયમી ઉપજ નમૂના નં-ર માં બોજા નોંધ કરાવી તેની બોજાનોંધવાળી નકલ રજુ કરી શકાય (હાલ સીટી સર્વે સુપ્રિન્ટેન્ડેન્ટશ્રી દ્વારા બોજાનોંધ કરી આપવામાં આવે છે.)
• ગ્રામ્ય વિસ્તારમાં જમીન હોય તો, ૭/૧૨ અને ૮ અ જમીનની નકલ પર મામલતદારશ્રી, (ઇ-ધારા) બોજાનોંધ કરાવી નમૂના નં.૬ હક્કપત્રની તેની પાકી એન્ટ્રીવાળી નકલ મેળવી રજુ કરી શકાય.
• જે ગામડાઓનો શહેરી વિસ્તારમાં સમાવેશ થયેલ હોય અને પ્રોપર્ટી કાર્ડ (મિલકતકાર્ડ) બનેલ હોય કે નગરપાલિકા વિસ્તાર હોય તો સીટી સર્વે સુપ્રિન્ટેન્ડેન્ટની કચેરીમાંથી બોજો દાખલ કરાવી પ્રોપર્ટી કાર્ડ (મિલકતકાર્ડ) માં બોજા કરાવી નકલ રજુ કરી શકાય.
• શહેરી વિસ્તારમાં મિલકત ધરાવતા હોય તો પ્રોપર્ટી કાર્ડમાં સીટી સર્વે સુપ્રિન્ટેન્ડેન્ટ દ્વારા બોજાનોંધ કરાવી તેની બોજાનોંધવાળી નકલ રજુ કરી શકાય.
• મહાનગરપાલિકા વિસ્તારમાં મકાન / પ્લોટ હોય તો, મકાન / પ્લોટમાં દસ્તાવેજ કરાવેલ હોય તો સબ રજીસ્ટ્રાર કચેરીમાંથી બોજો દાખલ કરાવી ઇન્ડેક્ષની નકલ મેળવી રજુ કરી શકાય.
• અરજદાર / જામીનદારના મિલકતના પુરાવા તરીકે દસ્તાવેજ, પ્રોપર્ટી કાર્ડ તથા ઇન્ડેક્ષ રજુ કરી શકાય.
• અરજદારે લોનની રકમથી દોઢ ગણી રકમ ધરાવતી સ્થાવર મિલ્કત ઉપર નિગમના નામે બોજો દાખલ કરવાનો રહેશે.